இரண்டு பயணிகள் ரயில்கள் மோதி மத்திய எகிப்தில் ஏற்பட்ட விபத்தில் குறைந்தது 32 பேர் உயிரிழந்துள்ளதாக எகிப்திய சுகாதார அமைச்சகம் தெரிவித்துள்ளது. சோஹாக் மாகாணத்தின் தஹ்தா மாவட்டத்தில் தலைநகர் கெய்ரோவிலிருந்து தெற்கே 460 கிலோமீற்றர் (285 மைல்) தொலைவில் இந்த விபத்து இடம்பெற்றுள்ளது.
மேலும் 66 பேர் காயமடைந்துள்ளதுடன் மீட்புப் பணிகள் இடம்பெற்றுவருவதாக அந்நாட்டு அதிகாரிகள் தெரிவித்துள்ளனர். இந்த விபத்தில் மூன்று கார்களும் சிக்கிக் கொண்டதாக தெரிவிக்கப்பட்டுள்ளது.
அதிக வேகத்தில் செல்லும்போதே ரயில்கள் மோதியுள்ள நிலையில், இரண்டு ரயில் பெட்டிகள் கடும் சேதமடைந்தும் மூன்றில் ஒரு பகுதி ரயில் பெட்டிகள் தடம்புரண்டுள்ளதாகவும் தெரியவருகின்றது.
