இறுதி ஆசையை
நிறைவேற்றிக் கொள்ள முடியாமல்
வெளியேறி விட்டான் அவன்
மலையேறிய பின்
இறங்கிக் கொண்டிருந்த வெயிலில்
திருவிழாக்கள் உதிக்கத் துவங்கின
வைத்த வெடிகளில்
வீடுகள் இடம் பெயரத் துவங்கின
நிறைமாத பசு ஒன்று
கன்றை ஈன்று விட்டு ஓடிவிட்டது
பாடையின் மீது சிலர்
படுத்துப் பார்த்துக் கொண்டனர்.
அந்தப் புகைப்படங்களை
வீட்டின் முன்சுவரில் தொங்கவிட்டபடி
தலைசீவி அழகு பார்த்தபோது
நிறைவேறாத ஆசையுடன் வெளியே சென்றவன்
வாசலில் நின்று கொண்டிருந்ததை
நிலைக்கண்ணாடி காட்டிக் கொடுத்தது.
ஆத்மாஜீவ்
