பிரபல தமிழ் நடிகரான சத்யராஜ்க்கு கொரோனா தொற்று உறுதி செய்யப்பட்டுள்ளது.

இந்தியா முழுவதும் கொரோனாவின் 3வது அலை அதிதீவிரமாக பரவி வருகிறது, ஓமைக்ரான் மாறுபாடும் அச்சுறுத்தி வருவதால் கொரோனா தொற்றால் பாதிக்கப்படும் நபர்களின் எண்ணிக்கை தொடர்ந்து அதிகரித்துக் கொண்டிருக்கிறது.

இந்நிலையில் தற்போது திரையுலகத்தைச் சேர்ந்த முன்னணி நடிகர், நடிகைகளுக்கு கொரோனா தொற்று உறுதியாகி வருகிறது. 

சமீபத்தில் இயக்குனர் பிரியதர்ஷன், நடிகர்கள் மகேஷ் பாபு, அருண் விஜய் ஆகியோருக்கு கொரோனா தொற்று உறுதியான நிலையில், நடிகர் சத்யராஜ்க்கு தொற்று உறுதியாகியுள்ளது.

இதனையடுத்து சென்னையில் தனியார் மருத்துவமனையில் அனுமதிக்கப்பட்டுள்ள சத்யராஜ்க்கு சிகிச்சை அளிக்கப்பட்டு வருகிறது.

சினிமா பிரபலங்கள் தொடர்ந்து பாதிக்கப்பட்டு வருவதால், படப்பிடிப்புகள் தொடர்பில் கட்டுப்பாடுகள் அறிவிக்கப்படலாம் என தகவல்கள் தெரிவிக்கின்றன.